Towarstwo Naša Knjeni na Lipje přeprošuje wšitkich česćowarjow Róžeńčanskeje Maćerje Božeje na pobožnosće, jako dźak a próstwu a wo zastupnistwo při Božim trónje.
Tuta pobožnosć je kóždu poslednju wutoru měsaca po wječornej Božej mši (18.00h) w Róžeńčan swjatnicy.
Na pobožnosćach modlimy so w swójskich a wosadnych naležnosćach našeho luda, kaž tež w naležnosćach towarstwa.
Terminy lěta 2025 su: 28.1., 25.2., 25.3., 29.4., 27.5., 24.6., 29.7., 26.8., 30.9., 28.10., 25.11., 30.12.
Zbóžny kapłano Alojso, čłowječa nuza njebě Ći cuza. Hlej na nas, kiž trjebamy Twoje zastupnistwo. Proš za nas w tutej nuzy. Wuproš nam wěrny pokoj wutroby, poddatosć do wole Božeje!
Božo, Ty sy swojeho słužownika, zbóžneho kapłana Alojsa, přez mnohe zadźěwki a wužadanja wjedł a tak nam jeho za přikład zaměrneho křesćanskeho žiwjenja darił. Tebje, mudreho wodźićela we wšěch časach, ponižnje prosymy: Daruj nam na jeho zastupnu próstwu zmužitosć a sćerpliwosć, zo so dowobaramy wšěch přećiwnosćow našeho časa a něhdy do radosće wěčneho žiwjenja dóńdźemy. Přez Chrystusa, našeho Knjeza. Amen.
(Wótče naš ...; Strowju Će, Marija ... a potom: Chwała Wótcej ...)
z Noweny zbóžnemu kapłanej Alojsej